“Sumala sa giingon sa
kasulatan, “Ang buot magpasigarbo kinahanglan magpasigarbo sa Ginoo.”
(2 CORINTHIANS 10:17)
Usahay, makumpara nato atong
kaugalingon sa uban nga mas maayo pa ug nahimo nato. Nindot ni nga paagi kon
gusto kita nga mapadayon sa pagka-mapahiubsanon. Pero kasagaran, ang sayop nga
mahimo mao ang paghukom nato sa uban pinasikad
sa atong pagpihig ug makahatag kitag opinion subay lamang sa
relihiyosong kinaiya o kaha motoo kita
sa pamulatik sa atong kaugalingon.
ATONG IPAsigarbo ANG DIYOS. Sumala
sa giingon sa pulong sa Dios, kita nga gusto magpasigarbo, ang angay natong ipasigarbo
mao nga kita nakaila sa Dios, kay siya ang atong Ginoo, maluluy-on ug nagbuhat
sa husto ug matarong ug maoy iyang kahimut-an ang pagbuhat sa ingon (JEREMIAH
9:24).
Nag-ingon pa usab ang Kasulatan,
“Ang buot magpasigarbo kinahanglan magpasigarbo (lamang) sa mga butang nga
nahimo sa Ginoo.” (1 CORINTHIANS 1:31).
ARON KITA IPAsigarbo USAB SA DIYOS. Kahimut-an
kita sa Dios kung kitang tanan nga mapahitas-on sa atong kaugalingon magpapaubos
aron ang Dios molantaw sa tanan nga nagpaubos ug iya kitang ipataas (LUKE
18:14).
Ang Dios mahimuot kanato kung
maningkamot kita sa pag-kita ingon nga alagad nga walay ikaulaw sa atong trabaho ug usa ka alagad nga nagtudlo
sa kamatuoran sa hustong paagi (2 TIMOTHY 2:15).
Dili na kita maghukom kang
bisan kinsa sa dili pa moabot ang hustong higayon. Atong pasagdahan ang kataposang paghukom unya nga himoon sa
pag-abot sa Ginoo diin ipadayag niya ang mga daotang tinagoan ug ibutyag kadtong
gililong nga mga tinguha sa atong kasingkasing. Niadto unyang adlawa, madawat sa
tagsatagsa ang pagdayeg nga angay kaniya gikan sa Dios. (1 CORINTHIANS 4:5). Hatagan usab sa Dios ug
himaya, dungog ug kalinaw ang tanang nagbuhat ug maayo, kay walay pinalabi ang
Dios (ROMANS 2:29). Busa, imbes kita ang mounay sa pagdayeg sa atong
kaugalingon, o kaha gikan sa uban,
tinguhaon na lang nato ang pagpasidungog nga gikan lamang sa Dios. AMEN.