Gusto ka ba moadto sa impyerno? .

Luke 16:19-31 (Basaha ang istorya bahin sa Dato ug ni Lazaro)

Mga bersikulo nga gamiton: v24-v31

.

Tinood nga adunay impyerno, mao kini ang kalayo nga walay pagkapalong nga giandam alang sa Yawa ug sa iyang mga anghel (Matthew 25:41). Gitawag usab kini ni Pablo nga ang silot nga mao ang walay kataposang pagkalaglag layo gikan sa presensya sa Ginoo ug sa iyang mahimayaong gahom (1 Thessalonians 1:9). Uban kanila ang mga tawo kansang ang kasuko ug kapungot sa Dios gipahamtang tungod kay naghunahuna lamang sila sa ilang kaugalingon ug nagsalikway sa kamatuoran ug padayong nagbuhat sa daotan. Didto sakiton ug paantuson ang tanan nga nagbuhat ug daotan. (Roman 2:8F). Apil ang mga wala magtagad sa ebanghelyo didto usab itambog. (Matthew 10:15)

.

MAHIMONG DAKO ANG KAUSABAN SA IMONG

KAUGALINGON KUNG ATOA KA NA SA IMPYERNO

 .

Mag-antos ikaw sa kainit (v24) nga masakit pag-ayo ang imong kasingkasing ug magpangagot ang imong mga ngipon. Mao kini ang mahitabo sa mga tawo nga misupil sa Diyos. Dili mangamatay ang mga ulod nga mokutkot kanila o mapalong ang kalayo nga mosakit kanila. Ang  kastigo sa Diyos nga ipahamtang mag-anam sa pagdunot ang ilang unod. Ang kauban nimo dinhi mao kadtong gipapahawa sa Diyos gikan sa iyang presensiya ug iyang gipanghimaraot apil na kadtong mga wala mitoo kang Hesukristo. “Busa miingon ang Ginoong Dios, “Ang akong mga alagad buhong sa pagkaon apan kamo gutomon; magtagbaw sila sa ilimnon apan kamo uhawon; maglipay sila apan kamo pakaulawan;” (Isaiah 65:13)

 .

Adunay pagbaylo sa kahimtang (v26) Mausob ang masinati sa mga nagpatuyang ug tigom ug mga bahandi ug nakapahimulos pag-ayo sa kinabuhi nga hayahay sa kalibutan (Luke 6:24); gani sila nagpuyo sila nga malinawon tungod sa pagpahimulos ug pamintaha  sa uban nga mamatay sila nga dili gani makasinatig pag-antos (Job 21:13); kini sila ang nagsubay sa mga pamaagi nga bangis ug mapintas (Psalm 17:4). “Makita nato dinhi ang pagkamaluluy-on ug pagkaestrikto sa Dios. Estrikto siya niadtong nangapukan, apan maluluy-on kanimo—kon magpabilin ka sa iyang kaluoy. Kay kon dili, putlon ka usab.” (Romans 11:22)

. 

PAGHIMO UG DAKO NGA KAUSABAN SA IMONG

KAUGALINGON ARON DILI MAADTO SA IMPYERNO

. 

Kay malisod ang pagbalhin paingon sa langit (v26). Nag-ingon ang Psalmista “Ang pagkamatarong sa Diyos daw mga habog nga bukid; ang iyang mga hukom sama sa kahiladman sa dagat.(Psalm 36:6). Ang atoa sa impyerno maglisod sa pagtungas kay atoa man sila sa lawom nga bung-aw. Nagsalamin usab kini sa gisangyaw bahin kang Cristo nga gilansang sa krus diin wala dawata sa uban ug gilantaw nga binuang alang pod sa uban hinungdan nga nakatilaw sila sa kasuko sa Diyos. “Ayaw kamo pakighiusa sa mga dili magtutuo, kay dili gayod magkasinabot ang matarong ug ang daotan o mag-ambitanay ang kahayag ug ang kangitngit. Dili gayod magkauyon si Cristo ug si Belial (o Satanas). Kay managsama ba gud ang magtutuo ug ang dili magtutuo? (2 Corinthians 6:14)

. 

Paminaw sa mga pagsangyaw sa pulong sa Diyos (v29) Pagbantay usab sa mga plano sa yawa nga iyang buhaton aron ipanugilon ang sayop nga pagtulon-an. Ang nakasubo niini kay gitagna nga daghan raba ang modawat ug motuman sa hinimo sa kaaway. Magbantay kay hangtod karon mao kini ang gipakaylap ngadto sa kalibutan (Matthew 28:11-15). Daghan sa mga tawo karon nga maglisod sa pagdawat ug pagtoo makakita sa gipangbuhat sa mga mitoo ug misunod ni Jesus ang magplano ug dautan ug manglutos ngadto kanila nga nagbuhat sa buluhaton sa Diyos. (John 11:45-47).

. 

Ang Diyos maoy nagpili sa mga propeta diin gihatag ngadto kaniya ang mensahe ug isulti kini niya ang bisan unsa nga isugo sa Diyos kaniya (Deuteronomy 18:18). Sila nagsusi ug nagpakisayod mahitungod sa kaluwasan ug nanagna sila mahitungod niining gasa nga ihatag sa Dios kanato (1 Peter 1:10). 
.
Si Jesus ug ang mahitungod kaniya ang gisulti sa tibuok Kasulatan, sugod sa mga basahon nga gisulat ni Moises hangtod sa mga sinulat sa tanang propeta (Luke 24:27). Ang gisulti ni Moises og mga propeta mao usab ang gisulti ni Pablo diha sa iyang mga sulat (Acts 26:22). Kinsa kadtong motoo kang Moises motuo usab unta kang Jesus kay nagsulat man siya mahitungod kaniya (JOHN 5:46). 

.

Sa katapusan, sayon ra ang pag-adto sa impyerno. Himoa lang nga mahiuyon ang imong kinabuhi sama niining mga tawo nga gidumtan sa Diyos: sila nga mga talawan, wala magtuo, malaw-ay, mamumuno, makighilawason, salamangkero, nagsimbag mga diosdios ug ang tanang bakakon (Pinadayag 21:8). AMEN

Ang pagkamatinud-anon diha sa grasya sa Diyos

“So then, brethren, stand firm and hold to the traditions which you were taught, whether by word of mouth or by letter from us.”

“Busa, mga igsoon, barog nga malig-on ug pabilin diha sa mga gikabiling pagtulon-an ug pamatasan nga among gitudlo kaninyo pinaagi sa wali o sa sulat.” (2 Thessalonians 2:15)

Ang pulong tradisyon (ubang hubad: “gikabiling pagtulon-an” o “pamaagi labot kag Kristo Hesus”) nagkahulugan og usa ka butang nga gipasa gikan sa usa ka generasyon ngadto sa sunod. Ang kamatouran sa ebanghelyo nagsugod sa istorya sa baba nga gisangyaw ni Kristo ug mga apostoles. Gisulat kini kadugayan, paglabay sa panahon, inabagan sa Balaang Espirito. Kining maong tradisyon dili mao ang hinimo sa tawo alang sa relihiyosong katuyuan o pagsimba.

Ang lig-on ug maila nga pagtoo. Pagkugi sa pag-alagad sa Ginoo. Magpadayon  nga lig-on sa pagtuo ug dili matarog sa paglaom nga nahuptan sa pagdawat sa ebanghelyo nga giwali ngadto sa tanang mga tawo. Magmatngon usab aron dili madala sa mga sayop sa mga malapason sa balaod ug mahulog gikan sa lig-on nga baroganan. Dili gayod magtapol kondili magmadasigon diha sa Espiritu sa pag-alagad sa Ginoo kay kitang tanan kauban ni Cristo kon magpadayon kita nga lig-on sa atong pagsalig hangtod sa kataposan.“Busa, mga minahal kong kaigsoonan, tindog kamo nga lig-on ug dili matarog. Pagkugi kamo kanunay sa inyong pag-alagad sa Ginoo kay nasayod kamo nga ang inyong pag-alagad dili gayod makawang.”(1 Corinthians 15:58)

Pagmalig-on sa pagtoo dinha sa Ginoo. Kanunay nga magtukaw ug magmaligdong. Himoong mahinungdanon nga pagkinabuhi sumala sa ebanghelyo ni Cristo aron magpabilin nga lig-on diha sa usa ka katuyoan ug nahiusa sa pagpalambo sa pagtuo diha sa ebanghelyo. “Pagbantay kamo. Pagmalig-on diha sa pagtuo. Pagmaisogon ug pagmakusganon.” (1 Corinthians 16:13)

Ang lig-on ug maila nga KAHIBALo. Paghigugmaay sa tinood. Higugmaa ang matarong ug kasilagi ang daotan aron lipayon ug pasidunggan sa Dios. Paghigugma nga mapailubon ug maluluy-on, dili masinahon o tigpanghambog. Magmatinud-anon sa paghigugma sa isigkamagtutuo ug paghigugmaay sa kinasingkasing gayod. “Pagmatinud-anon kamo sa inyong paghigugma. Likayi ang daotan ug hupti ang maayo.” (Romans 12:9)

Pagtuman sa pagtulon-an. Magpalayo gikan sa tanang kaigsoonan nga nagtinapolan ug wala magtuman sa mga pagtulon-an ug pamatasan. Pagkinabuhi nga makapahimuot sa Dios apil ang kanunay nga maghandom sa mga nahaunang nagtudlo sa ebanghelyo ug tumanon ang ilang gikabilin nga pagtulon-an. “Gidayeg ko kamo kay kanunay man kamong nahinumdom kanako ug inyo mang gituman ang mga pagtulon-an nga akong gitudlo kaninyo.” (1 Corinthians 11:2).

Ang “Pagbarog nga malig-on” mao ang dili pagpahilayo sa kamatuoran sa ebanghelyo. Kung ang usa ka Kristohanon makabarog, mahimo usab siyang makagunit uban sa iyang kusog ug gahom sa Dios. Sa matag saylo sa henerasyon sa magtotoo, gikinahanglan ang pagdawat sa kamatouran gikan sa nahauna, ampingan kini pag-ayo ug paningkamotan nga dili kini mausob alang sa sunod nga modawat niini. AMEN

Michael Medina,WCM

The Light of Christ Ministry

October 28, 2017

Ang pagdawat sa pulong sa Dios

Minahal kong mga igsoon, timan-i kini! Kinahanglan nga andam kamong tanan sa pagpamati apan dili madalidalion sa pagsulti o dali nga masuko. (JAMES 1:19)

.

Ang buot ipasabot ni Pablo mao ang pagpaminaw sa pulong sa Dios--ang pagpaminaw sa pagpanudlo sa kamatuoran gikan sa tinubdan. Adunay panultihon nga nagkanayon: Ang tawo naay duha ka dalunggan apan usa ka dila; sa ingon kanunay kitang abtik maminaw ug modawat sa pagpanudlo kaysa abtik sa pagsulti.

.

ANG ATONG KAANDAM PAGPAMINAW. Magpakahilom ka lang. “Kon magpataka kag sulti, lagmit kang masayop. Kon maalamon ka, magpakahilom ka lang” (PROVERBS 10:19). Pagmatngon sa imong buhaton aron dili ka makasala pinaagi sa imong pagpanulti. Ayaw pagsulti samtang anaa ka duol sa daotang mga tawo. Pagmatngon usab sa imong isulti aron dili ka mahiapil sa kasamok.

.

Pagmalinawon sa kaugalingon. “Ang tawong nasayod sa iyang katakos dili magpunayg sulti, ug ang tawong kalma may matuod nga panabot” (PROVERBS 17:27). Ang buang magpunay lag sulti apan ang malumong mga pulong sa tawong kalmado naghatag ug kinabuhi. Kinahanglan  ipakita nato sa atong kinabuhi pagka-maalam ug masinabuton.

.

ANG ATONG KAHINAY NGA MASUKO. Ayaw pagpatuyang. “Ayaw patuyangi ang imong kasuko; binuang ang paghambin ug kayugot” (ECCLESIASTES 7:9). Kung sige kang masuko, dali ra sad kang masayop apan kung ikaw maalamon mopailub ka kay mas maayo ang mapailubon mas maayo usab ang makapugong sa imong kaugalingon.

.

Bantayi nga dili ka masuko dayon. “Apan karon sultihan ko kamo nga ang masuko bisan walay igong hinungdan. sa iyang isigkatawo dad-on ngadto sa maghuhukom ug ang maghingalag kuwanggol sa iyang isigkatawo manubag niini ngadto sa Labawng Hukmanan ug bisan kinsa nga moingon nga buang ang iyang isigkatawo malagmit nga mahiagom sa kalayo sa impiyerno” (MATTHEW 5:22). Kon masuko ka, bantayi nga dili ka makasala ug ayaw palungtara ang imong kasuko sa tibuok adlaw. Kung mahimo, biyai na lang ang kasuko ug pagkasaputon. Ang pagsige nimo ug pagdumot sa imong isigkatawo nagpakita nga ikaw usa ka mamumuno. Ug nasayod ka nga ang mamumuno wala magbaton sa kinabuhing walay kataposan.

.

Hunahunaa una sa dili ka pa mosulti ug hinumdumi, kitang tanan masayop apan maninguha kita nga dili masayop sa atong pagpanulti aron kita mahimong hingpit ug makahimo sa pagpugong sa atong kaugalingon.  AMEN

Ang maminaw makabaton sa pagtoo ug kinabuhi

“Busa ang pagtuo naggikan sa pagpamati sa mensahe ug ang nabati naggikan sa pulong ni Kristo.” (ROMANS 10:17)

.

Sa dili pa makatoo ang mga tawo, kinahanglan adunay ilang matuohan: mao kini ang pulong sa Dios nga giwali ngadto sa uban.  

.

Pagpaminaw sa pulong nga nagdala ug pagtoo. Sila mismo nakadungog. (JOHN 4:42) Kinsa ni sila? Ang Samaritanhong lungsod nga naduaw ni Jesus kaniadto. Nadunggan nila nga si Jesus mao ang moluwas sa iyang katawhan gikan sa ilang mga sala (Mt 1:21) ug siya mao ang gipadala sa Amahan ug ilang gidawat ang iyang mensahe gikan sa Amahan (John 17:8). Siya mao ang kahayag sa tanang nasod sa kalibutan (Isaiah 49:6). Giingnan nila ang babaye, “Mituo na kami karon dili na tungod sa imong gisulti kondili tungod kay kami mismo nakadungog kaniya ug nasayod kami nga siya mao gayod ang Manluluwas sa kalibotan.” Busa, “tinuod nga angay dawaton sa hingpit ang giingon nga si mianhi si Jesus sa kalibutan aron sa pagluwas sa mga nakasala (1 timothy 1:15)

.

Sila mismo nagsangyaw ngadto sa uban (JOHN 17:20). Kinsa na pod ni sila? Ang mga disipolo o mga apostoles. Gisugilon nila ang ilang nakita ug nadungog aron uban kanila, mahiusa kita sa Amahan ug sa iyang Anak nga si Jesu-Kristo. Gisulat nila ang saysay aron mahingpit gayod ang atong kalipay (1 JOHN 1:3). Nakita nila ni Jesus ug nanugilon sila nga gipadala sa Amahan ang iyang Anak isip Manluluwas sa kalibotan (1 JOHN 4:14) ug kadtong namati sa ilang mga pagsangyaw nakabaton ug pagtoo (ROMANS 10:17).

.

Pagpaminaw sa pulong nga nagdala ug KINABUHI. Si Jesus lamang ang nagtudlo mahitungod sa kinabuhi nga walay kataposan alang sa tanang katawhan (JOHN 6:68) Ang Espiritu Santo mao ang nagahatag sa kinabuhi. Ang tawo dili makahimo niini. Ang gisulti ni Jesu-Kristo kanato gikan sa Espiritu Santo nga nagahatag sa kinabuhi (JOHN 6:63). Ug kini mao ang kinabuhing dayon: nga ang mga tawo moila kanimo nga mao ang bugtong matuod nga Dios ug kang Jesu-Cristo nga gipadala sa Amahan (JOHN 17:3). Busa atong obligasyon ang pagsultihi ngadto sa tanang mga tawo mahitungod sa bag-ong kinabuhi diha ni Kristo (ACTS 5:20).

.

Si Jesus nagsulti sa gipadayag kaniya sa Amahan (JOHN 8:38) Iyang gisulti ang iyang nahibaloan ug nagmatuod siya sa iyang nakita gikan sa Amahan (JOHN 3:11),

Siya walay mahimo sa iyang kaugalingon. Nagbuhat lamang siya sa nakita niya nga gibuhat sa iyang Amahan. Ang gibuhat sa Amahan, gibuhat usab ni Jesus (JOHN 5:19).

.

Si Pablo nangutana dinha sa iyang sulat: nadawat ba ninyo ang Espiritu sa Dios pinaagi sa pagtuman sa Balaod o pinaagi ba sa pagpamati ug pagtuo sa Maayong Balita? (GALATIANS 3:2). Ang tubag mao kini: Ang pagtuo naggikan sa pagpamati sa mensahe ug ang nabati naggikan sa pulong ni Cristo (ROMANS 10:17) kay walay mahimong matarong atubangan sa Dios pinaagi sa pagtuman sa Balaod. Ang mahimo lamang sa Balaod mao ang pagpaila sa tawo nga siya nakasala (ROMANS 3:20). Ug mao usab kini ang midangat kanato: sa pagkadungog nato sa matuod nga mensahe sa Maayong Balita nga naghatag kanatog kaluwasan, mituo kita kang Cristo. Busa gipatikan kita sa Dios pinaagi sa paghatag kanato  sa Espiritu Santo nga iyang gisaad, timaan nga kita iya na (EPHESIANS 1:13). Ug mao nga ang Dios Amahan mismo nahigugma kanato. Nahigugma siya kanato kay nahigugma man kita kang Kristo ug mituo nga Siya gikan sa Dios (JOHN 16:27). Ang modawat sa mga sugo ni Kristo ug magtuman niini mao ang nahigugma kaniya . Ang Amahan mahigugma kaniya nga nahigugma sa iyang anak (JOHN 14:21). AMEN

Michael Medina, WCM   

The Light of Christ Ministry

October 14, 2017

Ang Kristohanon nga makigdaiton

“Bulahan ang naningkamot nga managdait ang katawhan kay isipon sila sa Dios nga iyang mga anak! (MATTHEW 5:9)

Niining atoang nagkaguliyang nga katilingban karon, ang Kristohanon angay nga padayong maningkamot sa pakigdait ngadto sa uban aron nga mahimong agianan alang sa kalooy, pagtahod ug kalinaw gikan sa Dios.

MGA KRISTOHANONG MALINAWON. Ang sulugoon sa Ginoo kinahanglan dili mangaway, maluluy-on siya sa tanan, maayo nga magtutudlo ug mapailubon (2 TIMOTHY 2:24)

Ang sulugoon sa Ginoo kinahanglan mahimong panig-ingnan ang kaugalingong pagkinabuhi ngadto sa uban pinaagi sa pagpugong sa sobrang pag-inom ug bino, dili siya palahubog ug dili palaaway kondili malumo ug makigdaiton. Gawas niini, kinahanglan dili siya nawong ug kuwarta (1 TIMOTHY 3:3)

Ang sulugoon sa Ginoo kinahanglan matinud-anon sa iyang paghigugma ngadto sa uban, molikay paghimo sa daotan ngadto sa iyang silingan ug kanunay nga naghupot sa maayong gawi (ROMANS 12:9)

MGA KRISTOHANONG MAKIGDAITON. ng Kristohanon maningkamot kutob sa mahimo sa  pagpakigdait sa tanang tawo nga walay pagpihig (ROMANS 12:18)

Ang Kristohanon naningkamot sa pakigdait sa tanang tawo ug sa pagkinabuhi nga balaan kay gawas niini walay makakita sa Ginoo (HEBREW 12:14)

Ang Kristohanon kanunay nga naningkamot sa pag-andam sa pagpamati apan dili madalidalion sa pagsulti o dali nga masuko (SANTIAGO 1:19)

Ang mga Kristohanong alagad sa Dios kinahanglan nga kanunay magduso sa kalinaw, maghilom ug mouna sa pagbugto sa kagubot tali sa mga nagsumpaki nga katawhan. Niini, moangkon ang Dios kanato nga iyang tinud nga mga anak tungod kay naglihok sa iyang mga hiyas ug kini nagpaila nga kita isisp iyang mga anak, gipadala sa Dios ang Espiritu sa iyang Anak nganhi sa atong kasingkasing, ang Espiritu nga nagtuaw, “Amahan ko!” (GALATIANS 4:6). Ang Kristohanong pagkamatarong mao ang bunga sa binhi nga gipugas sa mga makigdaiton diha sa kalinaw (JAMES 3:18) . AMEN