"Mga igsoon, pagbantay
kamo nga walay usa kaninyo nga magbaton ug daotan ug dili matinuohon nga
kasingkasing. Mao unya kini ang hinungdan nga mobiya kamo sa buhi nga
Dios." HEBREWS 3:12
Ang kasingkasing sa matag
problema mao ang kasingkasing sa tawo. Kasagaran man gud sa mga tawo makasala
tungod sa tinguha sa kasingkasing, ilabina kung ang tawo mahisalaag palayo sa
Dios ug sa iyang pulong. Ang tawo magtoo nga lisod kab-uton o wala siyay
kadaugan diha sa Dios bisan ug klaro kaayo niyang nakita ang mga milagro ug
katingalahang buhat sa Dios hinungdan nga maghunahuna siya nga dili usab siya
takos sa mga hagit sa kinabuhi.
DILI
MAGPAHILAYO SA DIOS NGA ATONG NAILHAN
A.
“Kay siya ang atong Dios; kita ang katawhan
niya nga iyang giatiman, ang panon nga iyang giamoma.” PS 95:7.
Angay kita nga modayeg kaniya pinaagi sa
pagpataas sa atong mga kamot ug paghangad nganha kaniya apil na ang pagsimba
nga mao ang pagluhod ug pagduko sa atong mga ulo. Niini atong gipakita ang
lawom nga gugma nganha sa tong Dios kay siya ang nag-amoma ug nagluwas kanato. Nganong
managana man kita moyukbo ug pagtugyan sa atong kaugalingon kaniya?
b.
“Kining maong Dios mao ang atong Dios hangtod sa kahangturan, ug giyahan kita
niya sa tanang panahon.” PS 48:14
Ang atong proteksiyon
naggagikan sa Dios busa atong kaakohan ang pagtudlo niining kamatuoran sa atong
mga sumusunod. Ang atong kaaway wala sa gawas kondili sa sulod nato nga nagkahinay
pagkutkot sa atong pagtoo. Ang atong pagsalig ug pagtoo nganha kaniya nga mao
ang Dios ug giya ang maghatag kanato ug kaugmaon nga siguro ug puno sa
panalangin.
DILI
MOTALIKOD SA DIOS NGA NAGLANTAW KANATO
a.
Kay Siya “mamati, magpatalinghog ug mangulo
kanato.” PS 80:1
Ang Dios magpagawas kanato sa
mga krisis sa atong kinabuhi ug ngadto sa karahuhay. Siya ang maghatag kanatog
kusog ug magluwas kanato. Dili nato gusto nga motago ang Dios gikan kanato kay
sigurado gayod nga magkaguliyang kita. Kinahanglan nato nga dili magpalayo ug
mohangyo nga ibalik sa kahimtang nga napalanginan ug pakig-uban diha kaniya.
b.
Kay siya ang atong magbalantay ug kita ang
iyang mga karnero sa iyang sibsibanan.” EZEK 34:31
Ang kasakit ug kawad-on dili
makakuha sa mga panalangin nga nadawat nato gikan sa Dios kay siya kanunay nga
naglantaw nga malipayon ug nagpuyo siya kanunay uban kanato.
Gitawag kita sa Dios aron magdayeg
kaniya ug magsaksi ngadto sa uban aron makato.o sila nga Siya mao ang Ginoo ug
Dios. Atong tumanon ang maong tahas kay moluwas gayod ang atong Dios. AMEN.